საქართველოს ეროვნული ბანკის ფულის მუზეუმი ერთადერთი მუზეუმია, რომელიც მთლიანად და განუყოფლად ეძღვნება მხოლოდ ფულს და სადაც სისტემატურადაა გამოფენილი საქართველოში ოცდაექვსი საუკუნის განმავლობაში მოჭრილი და მიმოქცეული ფულის ნიშნები. მუზეუმში განსაკუთრებული ადგილი ეთმობა საქართველოს ეროვნულ ვალუტას - ლარს. წარმოდგენილია 1995 წლიდან დღემდე გამოშვებული ლარის ნომინალის ყველა ემისიის ბანკნოტის ნიმუშები, ქართული თეთრის მონეტები, ფულის ბეჭდვის დროს გამოყენებული ორიგინალი მასალები.