მხოლოდ ინტერნეტ მაღაზიის მეშვეობით პროდუქციის შეძენის შემთხვევაში შესაძლებელია შეკვეთის მიწოდება საქართველოს ტერიტორიაზე არსებული ქალაქების მისამართებზე.

ინტერნეტ მაღაზიის მეშვეობით შეძენილი პროდუქციის მიწოდება ხორციელდება მხოლოდ საქართველოს ტერიტორიაზე.

ინტერნეტ მაღაზიით პროდუქციის შეძენისას, პროდუქციის ფასს ემატება დაზღვევისა (შეძენილი პროდუქციის ფასის 0.4%) და მიწოდების თანხა (თბილისის ტერიტორიაზე 7 ლარის, ხოლო თბილისის გარეთ საქართველოს ტერიტორიაზე 20 ლარის ოდენობით).

პირობებისა და გადაზიდვის ტარიფების შესახებ ინფორმაცია განთავსებულია საქართველოს ეროვნული ბანკის ფულის მუზეუმის ვებ-გვერდზე "მიწოდების პირობები" https://moneymuseum.nbg.gov.ge/terms-and-conditions  

ინტერნეტ მაღაზიით შეძენილი პროდუქციის მიწოდება ხდება მხოლოდ შეკვეთაში მითითებულ მისამართზე. შეკვეთის დასრულების შემდეგ მისამართის ცვლილება დაუშვებელია.

იმ შემთხვევაში, თუ პროდუქციას ცალ-ცალკე, რამდენიმე შეკვეთად განათავსებთ,  მომხმარებელს მოუწევს თითოეულ შეკვეთაზე მიწოდებისა და დაზღვევის თანხის ცალ-ცალკე გადახდა.მიწოდების მომსახურებით სარგებლობის შემთხვევაში, თითოეული შეკვეთის დასრულება ხორციელდება ცალ-ცალკე, რაც გულისხმობს გადამზიდავი კომპანიისთვის თითოეული შეკვეთის ინდივიდუალურ გზავნილად დარეგისტრირებას.

მომხმარებლის მისამართზე არ ყოფნის შემთხვევაში, პროდუქციის ჩაბარება შესაძლებელია, გადამზიდავი კომპანიის წარმომადგენლის მიერ მომხმარებელთან სატელეფონო კომუნიკაციისა და შეთანხმების საფუძველზე, იმავე მისამართზე მყოფი სხვა პირისათვის, რომელმაც თან უნდა იქონიოს პირადობის დამადასტურებელი დოკუმენტი.
იმ შემთხვევაში, თუ მომხმარებლის მიზეზით დადგენილ ვადებში ვერ ხერხდება პროდუქციის ჩაბარება, ეროვნული ბანკი აუქმებს  მიღებულ შეკვეთას, მომხმარებელს უბრუნდება პროდუქციის შეძენისას გადახდილი  თანხა, ხოლო ამ ქმედებებით გამოწვეული ყველა ხარჯის (მიწოდება, დაზვევა, ბანკის საკომისიო) ანაზღაურება მთლიანად დაეკისრება მომხმარებელს, რომელიც განხორციელდება საბარათე ანგარიშიდან ჩამოჭრილი თანხიდან.

ინტერნეტ მაღაზიის ვებ-გვერდზე განთავსებული შეკვეთის საკასო ცენტრიდან გატანა ხდება მხოლოდ გადამზიდი კომპანიის წარმომადგენლის მიერ იმავე ან არაუგვიანეს მომდევნო სამუშაო დღისა.

თუ შეკვეთის ადგილზე მიტანა არ მოხდა გადამზიდავი კომპანიის მიერ დადგენილ ვადაში, მომხმარებელი ვალდებულია დაუყოვნებლივ აცნობოს აღნიშნულის თაობაზე ეროვნულ ბანკს. ამასთან, მომხმარებელი უფლებამოსილია პროდუქციის მიტანის დაგვიანების შემთხვევაში, მოითხოვოს არსებული შეკვეთის გაუქმება და თანხის უკან დაბრუნება, ასეთ შემთხვევაში, მომხმარებელს თანხა დაუბრუნდება სრულად.

ინტერნეტ მაღაზიის მეშვეობით პროდუქციის შეკვეთისას მომხმარებლის მიერ შესაძლებელია სწრაფი მიწოდების სერვისის არჩევა. 12:00 საათამდე შეძენილი პროდუქციის მიწოდება მოხდება იმავე დღეს, ხოლო 12:00 საათის შემდეგ შეძენილი პროდუქციის მიწოდება მოხდება მომდევნო სამუშაო დღეს.